Cette page a été validée par deux contributeurs.
44
le jeu de saint nicolas
caignés
Cliquet, che n’est mie d’otroi.
Ains gastés chi grosse candeille,
Et toute no maisnie veille
Pour vo gieu, aval no maison.
[pincedés]
Jou giet ! Segneur, il dist raison.
Rasoir, chi n’atendés vous point ?
rasoirs
Non, car tu l’as passé d’un point.
clikés
Or n’a a geter que je seus.
Mais j’en ferai bien onze en deus.
Et li autres soit deboutés.
pincedés
A ! c’est pour nient que vous getés,
Car che fu en wanquetinois.
clikés, empochant tous les enjeux
Toutes eures preng je ches nois,
Car j’ai quaernes et un sis.
pincedés
Met jus l’argent, ains qu’il soit pis,
Avant que tu m’escaufes waires.
clikés
Et c’as tu qui si m’iés contraires ?
E n’ai je trois poins plus de ti ?
