Cette page a été validée par deux contributeurs.
46
le jeu de saint nicolas
Laisse le tost, et tu, lais lui !
Si vous alés seoir andui,
Bien ara chascuns se raison.
Rasoir, contés nous l’ocoison,
Vous savés bien li quels a tort.
[rasoirs]
Sire, bon est c’on les acort,
Car li noise ne me conteke,
Demandés Caignet li quels peke,
Que ja n’i ait de mot menti.
clikés
Caignet, il le met bien en ti.
pincedés
Et jou, ja issir ne m’en quier.
caignés
Or metés dont seur l’eschekier
Les deniers, qu’il i soient tuit.
clikés
Certes, ves les chi trestout uit,
Or jugiés si comme a ami.
caignés
Segneur, vous l’avés mis seur mi :
Sachiés je n’i voeil perdre rien :
Toutes eures sont cist doi mien,
Et les sis partés entre vous.
Car se li uns les avoit tous
