Cette page a été validée par deux contributeurs.
53
v. 1049—1081
pincedés
Rasoir, jouerons a hasart ?
J’ai plain poing de mailles de musse.
rasoirs
Oïl, voir, onques ne m’en husse ;
Meche chascuns, a bonne estrine.
clikés, puisant dans le sac aux besants
Dont soit a hasart, en le mine.
Je prenç ; prengne chascuns le sieue.
pincedés
Ceste est bien au moy de le tieue.
rasoirs
Et ceste, se g’i seuc lignier.
li tavreniers
Segneur, or doi je apongnier ?
Mais mout bien nous en convenra.
clikés
Ostes, quant au partir venra,
Bien i sera vo drois gardés.
pincedés
Rasoir, commenche pour les des.
Ne ja nus l’eschekier ne moeve.
rasoirs
Dehait qui remuer le roeve,
Car il siet le plus droit del mont.
