Cette page a été validée par deux contributeurs.
52
le jeu de saint nicolas
Car bien seront no gage quite.
Hé, Diex ! con chis vins nous pourfite !
Or primes sommes assenés,
Dehait n’en bevera assés !
Nous avons hanap de biau tour.
pincedés
Laissiés courre che vin entour !
Je li paierai ja un dap.
clikés
Hé, boi, si laisse le hanap !
Ne troeves qui le te deffenge ?
pincedés
Hé, Diex ! Chi a bonne vendenge,
Mais je n’en puis men soif restaindre.
[caignés]
Rouvés me vous mes des ataindre ?
rasoirs
Oïl, illuec tiengnent lor lieu.
pincedés
Voir a dit, jouerons bon gieu.
clikés
Pinchedé, il est bien ou prendre.
rasoirs
Ba ! Pour jouer et pour despendre
Acreons mes nous seur le hart.