Cette page a été validée par deux contributeurs.
55
v. 1082—1113
pincedés
Metons, Rasoir, il a les des.
rasoirs
Pour Dieu, Cliquet ! Or i wardés,
Car il set les des asseïr.
caignés, apportant une nouvelle chandelle
A ce jeu doit on cler veïr :
Che n’est mie as aniaus de voirre.
Cliquet, met ci ceste candaile,
Si aras plus clere veüe.
clikés
Caignet, a caanche keüe
Aras un denier de chascun.
caignés
Mais vous, me donnés de quemun
Trois de ches deniers qui sont rouge.
pincedés
Avés oï de chel’ augouche ?
Fineroit il ore ja mais ?
li ostes
Caignet, lais les jouer en pais :
Plus atenç jou en eus de bien.
rasoirs
Ostes, vous n’i perderés rien,
Car je serai chi en vo lieu.
