Cette page a été validée par deux contributeurs.
56
le jeu de saint nicolas
li tavreniers
Soiés en pais !
pincedés
Segneur, jou gieu :
J’ai les des, je giet pour tous cheus.
clikés
Giete : Diex le doinst set en deus !
pincedés
A Dé foit, mais hasart ou seize.
Hasart, Diex !
rasoirs
Ains avommes treize,
Or te donriemmes nous hasart.
pincedés
A Dé foy, segneur, Diex m’en gart !
Escapar, de par saint Guillaume !
clikés
C’est pour nient. Tout en mi le paume
Les hocherés, comment qu’il tourt.
pincedés
Cliquet, or me tiens tu trop court :
Lais me viaus geter, se tu dois.
clikés
Giete, en hochant, devant les dois,
Un hasart par me meskeanche.
