Cette page a été validée par deux contributeurs.
60
le jeu de saint nicolas
clikés
Ja n’en arés mains que vo offre ;
Ves les chi tous, je n’i voi el.
li tavreniers
Par foi ! Or sommes nous yevel :
Comme devant resoit communs !
Or en prengne se part chascuns !
Que doit que vous tant atendés ?
rasoirs
Ostes, un petit entendés :
Nous sommes auques travilliet,
S’avommes toute nuit veilliet.
Bien partirommes comme ami,
Mais nous arons anchois dormi.
les larrons s’endorment
XXIII. — Le sénéchal,
le roi li senescaus
le roi li senescaus
Ahi ! Apolin et Mahom !
Che m’iert ore en avision
Del grant tresor le roi meïsme
Qui ne pooit estre rescous,
Ains fondoit le terre desous,
Si s’en aloit droit en abisme ;
N’iere liés si l’arai veü.
li senescaus au roi
A ! roys, com il t’est meskeü !
Mout est faus qui ne te conseille
