Cette page a été validée par deux contributeurs.
61
v. 1180—1221
Lieve sus, roys desconfortés !
Car tes tresors est emportés.
li rois
Qu’est chou ? Par Mahom ! Qui m’esveille ?
Senescal, qu’est che que tu dis ?
li senescaus
Roys, tu iés povres et mendis,
Mais ne le dois nullui requerre,
Quant le grigneur avoir qui fust
Commandas un home de fust.
Ves le la ou il gist, a terre.
li rois
Senescal, as me tu dit voir,
Que j’aie perdu mon avoir ?
Che m’a fait li vilains kenus
Qui l’autr’ier me vint sarmonner.
Fai le devant moi amener,
Car ses juïsses est venus.
XXIV. — Le sénéchal,
Durant, le prud’hommeli senescaus
Durant, le prud’hommeli senescaus
O tu, Durant li charteriers,
Vit encore tes prisoniers ?
Li rois a talent qu’i le voie.
durans
Oïl. Cha vilains ! A vo honte
Je vous ferai ancui sans conte
Passer trois pas de male voie.
Rois, ves le chi ! Ja Dieu ne plache