Cette page a été validée par deux contributeurs.
62
le jeu de saint nicolas
C’autres de moi justiche en fache :
Je le te pri en guerredon.
XXV. — Le roi, Durant,
le prud’hommeli rois
le prud’hommeli rois
Vilains, chi a malvais restor
De toi contre mon grant tresor.
Mout m’as chier vendu ton sermon ;
Tes diex ne te puet mais tenser.
Durant, or del bien pourpenser
Cruel mort a sen cors destruire.
durans
Sire, liés sui c’on le me livre.
Je le ferai en morant vivre
Deus jours, anchois que il parmuire.
li preudom
A ! rois, c’or nel tien en despit,
Car me donnés hui may respit,
C’on ne m’ochie ne travaut.
Encore est Diex la ou il seut,
Qui bien me secourra, s’il veut.
Un jour de respit cent mars vaut :
Mainte guerre en est mise a pais.
li rois
Que caut ? Durant, laisse le huimais,
Et le matin le me ramaine.
durans
Arriere, vilain ! Au lïen !
Se fussent ore crestïen
Entré en peneuse semaine !
