Cette page a été validée par deux contributeurs.
65
v. 1270—1315
s. nicolais
Vassal, je sui sains Nicolais
Qui les desconseilliés ravoie.
Remetés vous tout a le voie,
Reportés le tresor le roy !
Mout par feïstes grant desroi
Quant l’osastes onques penser.
Bien deüst le tresor tenser
L’image qui estoit sus mise.
Gardés tost qu’ele i soit remise,
Que remis i soit li tresors,
Si chier que vous avés vos cors,
Et metés l’ymage deseure.
Je m’en vois sans nule demeure.
XXVIII. — Les
larronspincedés
larronspincedés
Per signum sancte cruchefis !
Cliquet, que vous est il a vis ?
Et vous, qu’en dites vous, Rasoir ?
rasoirs
Par foi, moi sanle que dist voir
Li preudom, mout m’en est a ente.
clikés
Et vis m’est grant dolour en sente,
Ainc mais homme tant ne cremi.
XXIX. — Les mêmes,
le tavernier, Caignetli ostes
le tavernier, Caignetli ostes
Segneur, je n’en trai nient a mi,
Se vous avés fait desraison.
