Cette page a été validée par deux contributeurs.
70
le jeu de saint nicolas
Tout faisoie ore a moi venir
Mes hausbarons pour court tenir,
S’avoie couronne nouvele.
Senescal, dors tu ou tu veilles ?
li senescaus
Sire, anchois songoie merveilles,
A bien me soit il despondu !
Mout iere en dormant confortés,
Car li tresors iert raportés
Et li laron ierent pendu.
li rois
Ha ! senescal, gardés i viaus !
li senescaus
Sire, mes songes est espiaus,
Car li tresors est revenus
Plus grans que il ne fut emblés.
Che m’est a vis qu’il est doublés,
Et li sains Nicolais gist sus.
li rois
Senescal, gabes me tu donques ?
li senescaus
Rois, si grans tresors ne fu onques :
Il a passé l’Octevïen
Tant n’en ot Cesar ni Eracles.
li rois
Ostes ! Comme est grans chis miracles !
Alés tost pour le crestien !