Cette page a été validée par deux contributeurs.
71
v. 1388—1429
XXXII. — Les mêmes,
Durant, le prud’homme,
les amiraux, la
statue de Tervagantli senescaus
Durant, le prud’homme,
les amiraux, la
statue de Tervagantli senescaus
Durant, met le preudome hors,
Il n’a mais garde de ton cors.
Que vaurroit ore li chelers ?
durans
Or cha, vilains ! Mout par fui faus
Qui ne vous pendi par les paus
Et saquai les dens maisselers.
li senescaus
Rois, ves le chi : je le t’amain :
En ton plaisir et en ta main
Est ou del morir ou del vivre.
li preudom
Sains Nicolais en cui je croi
Ne de toi servir ne recroi,
Garis hui mon cors et delivre !
Pren hui de ton home conroi,
Atempre l’ire de chel roi
Qui mon cors promet a deffaire,
Tant par est seur moi engramis.
li rois
Or me di, crestïens, amis,
Crois tu dont qu’il le peüst faire ?
Crois tu qu’i me puist desloier ?
Crois tu qu’il me puist renvoier
Mon tresor ? En iés tu si fers ?
