Cette page a été validée par deux contributeurs.
72
le jeu de saint nicolas
li preudom
A, rois ! Pour coi ne seroit, kieles ?
Il consilla les trois pucheles,
Si resuscita les trois clers ;
Je croi bien qu’il te puist venquir
Et faire te loi relenquir,
Dont tu dois estre a faus tenus.
En lui sont tout bien semenchié.
li rois
Preudom, il a bien commenchié,
Car mes tresors est revenus,
Assés sont li miracle apert,
Puis qu’i fait avoir che c’on pert.
Mais je n’en creïsse nului.
Senescaus, que vaurroit mentirs ?
En lui est mes cuers si entirs
Que ja mais ne querrai autrui.
li senescaus
Certes, rois, parler n’en osoie,
Mais en mon cuer mouût vous cosoie
Que piech’ a le ne m’aviez dit
Que mout grant volenté en ai.
li rois
Preudom, va pour saint Nicolai !
Son bon ferai sans contredit.
li preudom
Diex, aourés en soies tu
Que de te grasce as ravestu
