Cette page a été validée par deux contributeurs.
74
le jeu de saint nicolas
li rois
Segneur, metés vous a genous :
Si con je fai, faites tout troi.
[li amiraus d’outre l’arbre sec]
Jou l’otroi bien.
li amiraus d’oliferne
Que tout soions bon crestïen,
Saint Nicolai obedïen,
Car mout sont grandes ses bontés.
[li amiraus d’orkenie]
Segneur, onques ne m’i contés,
Car je n’oç goute a cheste oreille.
Maudehait qui che me conseille
Que je deviegne renoiés !
Al Rois, car fusses tu noiés
Comme falis et recreans
Que devenus iés mescreans !
Fourfait as c’on t’arde ou escorche !
Toi ne ton avoir ne te forche
Ne pris mais vaillant un espi.
Garde de moi, je te deffi,
Et renç ton hommage et ton fief.
li rois
Or tost, baron ! Car par mon chief
Je voeil que, maleoit gré soen,
Fache mon plaisir et mon boen :
Metés le a terre par effors.
l’amiral d’outre l’Arbre Sec essaye vainement
de terrasser l’amiral d’Orkenie
de terrasser l’amiral d’Orkenie