Cette page a été validée par deux contributeurs.
75
v. 1478—1518
li amiraus d’outre l’arbre sec
Or cha, segneur ! Il est mout fors :
Il le nous convenra sousprendre.
li amiraus d’orquenie
Fi, mauvais ! Me cuidiés vous prendre,
Tant que Mahom ches bras me sauve ?
Fuiés, mauvais chevalier fauve !
Poi pris ne vous ne vo engien.
cil d’oliferne
Vous en venrés, car je vous tien !
il maîtrise son adversaire
cil du sec arbre
Rois, ton traïtour, ves le chi !
cil d’orkenie
A, rois ! Pour Mahommet, merchi !
Ne me fai mes diex renoier !
Fai me anchois le teste soier
Ou mon cors a cheval detraire !
li rois
Par mon chief ! Il vous convient faire
Si comme moi, che sachiés bien.
cil d’orkenie, forcé de s’agenouiller
Sains Nicolais, c’est maugré mien
Que je vous aour et par forche ;
De moi n’arés vous fors l’escorche ;
Par parole devieng vostre hom,
Mais li creanche est en Mahom.
