Page:Castets - La Chanson des quatre fils Aymon, 1909.djvu/294

282

les quatre fils aymon

Au plus tost que il porent se sunt el chemin mis
Et s’en revont arriere ; chascun fu molt pensis,
280Et maudient duc Buef qui si les a maumis.
De lor jornees faire n’i aura conte pris,
Mais si vont cheminant les plains et les larris
K’à .i. ajornement sunt venu à Paris.
Entre ci k’al palais ne se sunt alentis.
285Atant sunt descendu li bon vasal de pris ;
Charlemaignes les vit, si li mua li vis,
Et cil le saluerent k’il n’i ont terme mis.
« Baron, ce dist li rois, est Enguerrans ocis ? »
Et Dreves li a dit : « Emperere al fier vis,
290Molt en eü[s] grant tort, par Deu de paradis,^[1]
K’al traïtor mortel ensi nos tramesis,
Qui het de noire mort toi et tos tes amis.^[2]
Quant Enguerrans li dut raconter tos ses dis,^[3]
Ains que li tiens mesages li fust tous rejehis,^[4]
M. 9. 295Escria il ses homes que tantost fussiens pris.^[5]
N’en revenons que .iiii. qui devant fusmes .x.
Enguerran vos envoie detranchié et ocis. »^[6]
« Or est pis, dist li rois, si m’aïst saint Denis.^[7]
Je nel volsisse [mie] por tot l’or de Paris.^[8]
300Ahi ! Bues d’Aigremont, li tiens cors soit honis. »^[9]
En terre le fist metre, molt i fu grans li cris,
En jante sepouture et devant ses amis.
Sachies que molt en furent dolant cil de païs,^[10]

1. 290 Lettre effacée dans L. B C Vous en eüstes tort par Dieu qui fist le lis.
2. 292 Manque à B C.
3. 293 C Quant Enguerran li ot tot aconté et dit. Manque à B.
4. 294 Manque à B C.
5. 295 BC Il escria.
6. 297 B Chestui mort vous envoie, de che soies tous fis. C Cestui, ce, soiez, toz.
7. 298 Sic L B. C si m’ait Jhesus Cris.
8. 299 L volsisse por. B C mie por.
9. 300 B C Hé, gentis Enguerran, por coi ies si fenis ?
10. 301-303 B Sachies que il i ot asses et plours et cris. El moustier Nostre Dame fu li cors enfouïs. C n’a qu’un vers : Sachiez que il i ot assez dolor et cris.