Page:Castets - La Chanson des quatre fils Aymon, 1909.djvu/382

370

les quatre fils aymon

Qu’il n’i ot jostes faites en coste ne en lés.
3035Par desous Brunevaus est Renaus arestés ;
Illuec ot molt grans cos departis et donés.
M 81Sous Aalart fu mors ses destriers sejornés ;
Li vasaus saut en piés, mais molt fu esfraés
Et tint nue l’espée, se est avant passés,
3040Et dus Aymes ses peres est à lui arestés,
Hermenfrois, li veneres, et li autres barnés.
Ja fust ou mors ou pris, ce est la verités,
Quant Renaus li cortois si est avant alés
Et Richars li gentius et Guichars li membrés,
3045A tant de gent com orent [chascuns tous abrievés]^[1],
Mais n’avoient chevaus conquis ne recovrés,
Où Aalars peüst adonc estre montés,
Par devant ses .iii. freres s’en est à pié tornés.
Li conte le desfendent as espées del lés.
3050Issi les a li viels une liue menés
Que onques Aalars ne pot estre montés ;
Mais tous tans vait à pié, ce fu grans pietés.
Li garnement le chargent dont il iert encombrés.
Que vos en mentiroie ? si fu las et matés
3055Qu’il n’alast plus avant por l’or de .iii. cités.
En miliu de ses freres s’est asis ens el pres,
Et quant Renaus le voit, à poi n’est forsenés.
Par deles une roche s’est li quens acoutés,
Puis dist à Aalart : « Sire frere, montes.
3060Se nos ci vos laisons, ce sera foibletés^[2].
Jamais en nulle terre ne seres restorés^[3]. »
Cil monta sur la roche, tant s’est esvertués,^[4]
Et saut derriers le conte. Quant se fu acesmés
Et quant Baiars se sent des .ii. vasaus trossés,
3065Il a la teste escouse, .iiii. fois s’est molés ;
Bien pres de demi pié s’est desos eus levés.

1. 3045 L orent conquis, et pas davantage. Je complète d’après B.
2. 3060 A mauvaité. B lasquetés.
3. 3061 A jamais en jour du mont ne seroiens recovrez. B jamais en no vivant ne serions recovré.
4. 3062 De ce vers au vers 3117, les initiales de la colonne ont été retranchées par le couteau du relieur.