Page:Castets - La Chanson des quatre fils Aymon, 1909.djvu/524

496

les quatre fils aymon

Se vos nes poes prendre, molt nos mervellerons. »
Et respondent François : « Et nos les assaurons. »
Ogiers se trais[t] ariere le trait à u[n] bougon,^[1]
M 195 7350Et tire ses cevex et maine grant dolor ;
Regrete son neveu, Renaut, le fil Aymon,
Et Aallart l’ainé et Richart le menor :
« Cosin somes germain, pres nos apartenon ;
Mais tant fort sui aclin vers mon segnor Charlon,
7355Ke ne lor puis aidier ne valoir .i. bouton,
Dont je sui si dolens, à poi ke je ne font. »
Se la geste ne ment, Ogiers se faint le jor ;
Trestuit fussent il pris, ou volsissent ou non,^[2]
Mais Ogiers les detint par plait et par sermon,
7360Car cuers ne puet mentir, pieça que le dit on.
.iiii. costes avoit en la roce Mabon ;
A cascune asalloient .c. chevalier baron.
Renaus avoit les .ii. à desfendre tos sols.
Et Richars jut navrés amont sor le peron,
7365Il ne lor puet aidier ne faire nul secors.
Aallars fu navrés del dar à un geldon,
Tres tot droit en la quise, desore le genol.
Tant est afebloiés qu’il ciet à genelon.
« Frere, dist Aallars, por Deu, quel le feron ?
7370Ne voi mais nul secors ; car nos rendon prison. »
« Frere, ce dist Renaus, por Deu, que dites vos ?
Vos estes tos li graindres et li aisnés de nos.
De vos deüst venir vaselage et socors,
Et vos estes li pires, ja nel vos celeron.
7375Une riens vos dirai, que je sai à estrous.
Se cuidoie garir por or et por mangons,
Por castiel ne por terre ne por avoir el mont,
Je me fuse rendus, tres hui matin, prison.
Mais nos savons molt bien qu’avoir ne raençon

Et si ne sont que .iii. ; del quart n’ont nul secors,
Et si sont mi cosin dont ai plus de dolor.
Se vos nes poes prendre, moult nos mervellerom.

1. 7349 L traïs… u.
2. 7358 Après ce v. Metz ajoute : Mais Ogiers les haus homes a mandé tot par non Et. M est conforme à L.