Page:Castets - La Chanson des quatre fils Aymon, 1909.djvu/661

633

les quatre fils aymon

« Namle, dist Charlemaignes, or m’aves vos gabé.
11490Se li leres m’eschape, dont sui jou enganés,
Que prison nule el mont ne le puet arester. »
« Sire, ce dist Maugis, se vos plaist, or oes.
Ce sera molt grant honte, se par nuit me pandes ;
M 303Soufres jusqu’à demain, qu’il sera ajorné.
11495Je vos donrai bons pleges, se prendre les voles,
Que se je m’en pooie bien largement aler,
Ne me movroie je desi à l’ajorner. »
« Hé ! qui vos plegeroit, malvais leres provés ?
Est il hom en cest mont qui ja l’ossast penser ? »
11500« Sire, ce dist Maugis, merci, por amor Dé.
Asses troverai pleges, mar vos esmaieres. »
« Or i parra, dist Charles, con vos en troveres. »
Olivier de Viane a Maugis apelé.^[1]
« Sire, ce dist Maugis, por Dieu, ne me fales.
11505Je sui en vo prison, bien aidier m’i deves.
Venes, si me plegies vers Charlon l’aduré. »
« Volentiers, dist li quens, desor mes loiautés. »
« Et vos, sire Rollant, vos en pri jou por Dé.
Ogier de Danemarce, faillir ne me deves.
11510Estout, li fils Œdon, et Torpin l’ordené,
Por amor de Renaut me venes aïder. »
« Acuiterez nos vos ? » dist Namles li barbés.
« Oïl, ce dist Maugis, ja n’en covient parler. »
« Voire, dist Oliviers, bien serons acuité. »
11515« Dont le plegons ensamble », dist li dus honorés.^[2]
Lors vienent à Charlon, si l’ont araisoné :
« Sire drois empereres, envers nos entendes
Nos plegerons Maugis desi à l’ajorner. »
« Je l’otroi, dist li rois, desor vos hiretés,
11520Que se je n’ai Maugis demain à l’ajorner,
Jamais en douce France à nul jor n’entreres,
Ne ja en mon roiaume mar seres jor trovés. »
« Issi l’otrions nos », dist Oliviers li bers.

1. 11503 L Oliviers. Faute, car Maugis est le sujet du verbe.
2. 11515 Li dus honorés est Naymes. L’entendre d’Olivier est gâter le dialogue.