Sont endormi François contreval par le tré,[1]
Comme Charles meïsmes est en son lit versé.
Ains ne veilla .i. seul de tos les .xii. pers.[2]
Il comence son charme autre fois à conter ;[3]
Se rompent li charcan et deserrent li clés.
Les buies sont rompues et li boujon volé.
Et Maugis saut en piés, li fer sunt là remés ;
Puis vint à Charlemaigne en son lit où il ert.
A une part del lit li fu li chiés coulés ;[4]
Il prent .i. orillier de paile envelopé,
Sos le chief li a mis, amont li a leve,
Puis li deçaint Joieuse del senestre costé,
A Rollant Durendal au pont d’or noelé,
Olivier Hauteclere qui molt fait à loer,
Et prist Cortain l’Ogier qu’il n’i vost oblier,
De Torpin Autemise qui ot le poing doré ;[5]
Puis en vint à l’aumaire où li grans tresors ert.[6]
Illuec prist la corone Charlon o le vis cler ;
Les pieres qui i sunt valant une cité.
Et Maugis se porpense con la pourra porter.
Il a trenchié .i. pan del bliaut de cendel,
Si a mis la corone qui molt fait à loer.
A son col l’a pendue, qu’il l’en volra porter ;
Et Maugis s’aprocha, s’est à Charlon alés,
Quant il ot son trosel bien fait et acesmé.
Il a donc pris .i. herbe qu’il ot o lui porté,
Ki fu en s’aumoniere d’un brun paile roé ;
Et vint à Charlemaigne, si l’en froia le nés
Et les iols et la boche, tant qu’i l’ot descharné,[7]
- ↑ 11615 Sic L. M Sunt endormi laiens environ de tous lés, ce qui me semble meilleur. Michelant répète par distraction : tout contreval le tré. — M ajoute : Tant fort les a Maugis sordis et encantez. V souduiz et enchantez.
- ↑ 11617 Metz ajoute : Et Maugis li bons lerres ne se volt oblier.
- ↑ 11618 Metz : charne.
- ↑ 11623 Michelant imprime lit si fu. Metz : Li chies li fu el lit en une part clinés.
- ↑ 11630 Metz : Alchemise qui valt une cité.
- ↑ 11631 Metz : à l’aumaile.
- ↑ 11643 On a vu carne pour carme dans M au v. 11613 et charne dans Metz, 11618. Michelant descharmé. V descantez.
