Page:Castets - La Chanson des quatre fils Aymon, 1909.djvu/723

695

les quatre fils aymon

Et sont as .iiii. freres cui proece semont.
Adont parla Renaus ki pali ot le front.
« Frere, dist il, oez, por Deu, quel le feron ?
M 351Comment porrons nos faire, por le cors saint Domont ?
13345La vitaille est faillie, ce veez, ça amont.
.iiii. chevalz avons, qui laienz encor sont :
Li quelz morra avant, que les gens mangeront ? »
Et Richars s’escria et [si en jura mont] :^[1]
« Ce n’ert mie le mien, por nul avoir del mont. »

13350« Renaut, ce dist Richars, se vos voles mangier,
Si ociez Baiart, vostre corant destrier,
Ou le Guichart mon frere ou l’Aallart le fier,
Que li mienz n’ert ce mie, par les Sains desos ciel.^[2]
Renaut, dit il, beax frere et beax dolz amis ciers,
13355Vostre orguel mar veïmes, fera nos esseillier,
Que par la vostre orguel et par vostre encombrier,
S’en ala Charlemaignes de cest palez plenier ;
Ainz ne volsistes croire sergant ne chevalier. »
A cest mot ez Aymon ki commence à hucier.^[3]
13360« Taisiez, dist il, beax oncles, laisiez vostre tancier.^[4]
La cose c’on ne puet lever et essaucier,
Nus proudom ne la doit ja de rien ranoncier.
Mes faites mon segnor ce que volra noncier.
Si ne le faites mie, por Deu, si correcier.
13365S’il a mal fait savoir, il le comperra cier ;
Malaise en a eü et mal et encombrier.
Se li rois l’a assis en cest palais plenier,
En mont petit de terme li puet bien Dex aidier.
Se vos me voles croire, par Deu le droiturier,
13370Ja n’i morrons de faim por que aionz destrier. »
Qant Richars ot l’enfant, sel corut embracier ;

1. 13348 Sic M. L s’en jura le mont.
2. 13353 L deso.
3. 13359-13363 A Atant es Aymonnet qui commence à huchier : Taisez vous, biaz dos onclez, n’aiens soing de tancier. La chose c’on ne puet de son gré redrecier, Nus prodonz ne la doit redire ne plaidier. M comme L.
4. 13360 Voici Aymon qui prend la défense de son père. Il est le fils aîné. On l’écoute, on l’admire. C’est le roman mêlé au chant des batailles.