Page:Castets - La Chanson des quatre fils Aymon, 1909.djvu/784

756

les quatre fils aymon

Au grant jor redoté remandra en ostage.^[1]
14940Mais or lo faites bien, prenez moi .i. message ;
Au roi lo trametrai et à son grant barnage.
Qu’il me get de prisson, se l’avient en corage. »^[2]
« Sire, ce dist Renaus, dis aves comme sage.  »
.i. chevalier apele qui est de bas parage.^[3]
14945« Vos ires, [lui] dist il, si feres son message. »^[4]
« Volentiers, dist il, sire, foi que doi mon visage. »

« Biax frere, dist Richars, or entendes à moi.^[5]
Tu me diras mon sire, cui ge aim et doi foi,^[6]
Se il onques m’ama, foi que ge doi lo roi,^[7]
14950Pardoint l’ire Renaut, si la pregne sor soi.^[8]
Se rien li a mesfait en dit ne en bofoi,
Il li amendera au los de son conroi.
Et se ce ne viaut faire, bien li dites par moi.
Ja m’en verra destruire à duel et à belloi.
14955Et si me di Rollant et celz de son conroi,
Se il onques m’amerent, qu’il lo mostrent au roi. »
M 393« Sire, dist li messages, ge l’otroi par ma foi. »

Or s’en va li messages, si aquiaut son santier ;
Deci à Charlemaigne ne vost il [a]targier.^[9]
14960Le roi a salué de par Richart lo fier :
« Sire, par moi vos mande, ge nel vos quier noier,
Que se onques l’amastes ne ne tenistes chier,^[10]
Que hui li soit mostré, que il en a mestier ;
Que se Renaus n’a pais, que voles [e]ssilier,^[11]

1. 14939 M remaindra. L remandrai.
2. 14942 M : s’il li vient à courage, d’où Michelant : se li vient à corage.
3. 14944 Michelant fu, d’après M : qui fu de son lignage.
4. 14945 L manque lui. M manque le vers.
5. 14947 M Biaus amis.
6. 14948 L ge aim et ge doi foi. M pour Dieu le souverain roi.
7. 14949 M pour Dieu et pour sa foi.
8. 14950-14951 M Si pardoinst à Renaut son ire et son bofoi. Se il li a meffet par dit ne par desroi. Michelant corrige à peu près ainsi, mais A confirme L : Pardoint tout à Regnaut, si la meste sor moi.
9. 14959 L targier. M atargier.
10. 14962-14963 M manquent.
11. 14964 L issilier. M essillier.