Page:Castets - La Chanson des quatre fils Aymon, 1909.djvu/864

836

les quatre fils aymon

Li enfant s’en alerent envers lo roi Charlon
Qui sist entre François plus fier que uns lion.^[1]
16690Naimes sist à sa coste desor .i. auqueton,^[2]
Rollans et Oliviers, Estols li fils Odon,^[3]
Richars de Norm[en]die et li preus Salemon,^[4]
Ogiers de Denemarche qui [tant] fu gentilx hom,^[5]
Et Yvon et Yvoire, si i fu Guenelon,
16695Pinabiax et Malquaires et li coissins Milon^[6]
Et Costans et Rohars ò il n’a se mal non.^[7]
[Icil dui furent fil Forque] de Morillon.^[8]
Son pere lor ocist Renaus li filz Aymon
Quant il fu asailli à la roche [Mabon].^[9]
16700Ja erent chevalier, si orent grant renon.
Charles les ot molt chiers, il n’i vit [se] bien non.^[10]
Li enfant s’aprocherent vers lo roi de randon.
Cascuns a regardé durement lor façon.
Quant sont devant lo roi, adonc parla Yvon,
16705Et salue lo roi issi com vos diron :
« Cil Damedex de gloire qui forma Lazaron,
Saut et gart et mantiengne l’empereor Charlon,
Et tote sa maisnie que ci voi environ,
Se anemis n’i a que nos ne quenoisson.
16710Sire, [droit] empereres, dire lo vos doit on,^[11]
Ce est de [par] Renaut qui fu li fils Aymon.^[12]
Nos sommes si enfant que de fi lo set on.
Sire, à vos nos envoie, celer ne vos doit on.^[13]

1. 16689 P à guise de lion. Cf. Dante Alighieri, Purgatorio, vi, 66 : A guisa di leon, quando si posa.
2. 16690 P à senestre desus .i. ciglaton.
3. 16691 P Rollans et Otoez qui sont fier compagnon.
4. 16692 L Normdie. P Normendie o le preu.
5. 16693 L qui fu. P qui bien semble baron.
6. 16695 P Macaire o lor cosin.
7. 16696 P Et Cotanz et Roharz.
8. 16697 Sic P. L Joselins, li fils Forque, icil de Morillon.
9. 16699 L. Mahom. P Mabon. V. v. 6980-6994.
10. 16701 L si. P se.
11. 16710 L dit. A droit.
12. 16711 L de Renaut. A de par Regnaut.
13. 16716 L sen.