Page:Chrétien de Troyes - Roman de Perceval le Gallois - MS 248.pdf/67

Come hardie et corageuse
Mais ce niert mie por oisose
Ainz se pense que le ira
A son hoste si li dira
Se son afaire une partie
Lors sen est de son lit departie
Et est eissue hors de la chambre
A tel peor. que tuit li manbre
Li tremblent. et li cors li sue
Plorante est de la chambre eissue
Et vient al lit ou cil se dort
Et plore et sospire moult fort
Si sacline et sagenoille
Et plore si que le li moille
De ses lermes tote la face
Na hardement que plus en face
Tant a plore que cil sesveille
Si sesbaist moult et merveille
De la face quil sent moilliéé
Et voit cele agenoilliée
Devant son lit qui le tenoit
Par le col. a cole estroit
Et tant de corteisie fist
Que entre ses braz lareprist
Maintenant. et vers lui se treist
Si li dist bele que vos plaist
Por quoi venistes vos ci
Ha gentil cheval. merci
Por deu vos pri et por son fil
Que vos ne men aiez plus vil