Page:Chrétien de Troyes - Roman de Perceval le Gallois - MS 248.pdf/68

Porce que ge sui ci venue
Pres ausi con tote nue
Mais ni pensai onques folie
Ne malveistie ne nia mie
Quil na el monde que vive
Tant dolente ne tant chaitive
Que ge ne soie plus dolente
Rien que jaie ne matalente
Jusques nul jor. sanz mal ne fui
Issi malauréé sui
Ne ge ne verrai james nuit
Fors solement cele de nuit
Ne jor fors celui de demain
Ancois mocirai de ma main
De.iii.c. chaval. et diz
Dont cist chastiaus estoit garniz
Nen ia remes que cinquante
ix. ou dis {{ ? ]] de seixante
En a uns chevals moult maus
A gigarons li seneschaus
Clamados son seïgnor menez
Et ocis et emprisonez
De cels qui sont en prison mis
Men poise autant con des ocis
Que he sai bien quil morront
Que james eissir nen porront
Por moi sont tant prodome mort
Droiz est que ge men desconfort
A siege a ci devant esté
Tot un iver et un esté