matiere ſubtile, qui tranſmet l’action de la Lumiere, tendent à tournoyer auec plus de force, qu’à ſe mouuoir en ligne droite ; en ſorte que celles qui tendent à tournoyer beaucoup plus fort, cauſent la couleur 5 rouge, & celles qui ne tendent qu’vn peu plus fort, cauſent la jaune. Car bien que le tournoyement d’vne boule ſe fiſt en vn inſtant (ce qui eſt faux, & contre voſtre page 257, où vous voulez que le point 2 de la boule marquée 1234 arriue plutoſt à la ſuperficie de 10 l’eau YY que le point 1), neantmoins puiſque ſelon vous le mouuement rectiligne de la boule eſt plus lent que ſon tournoyement, le mouuement rectiligne, qui eſt celuy qui tranſmet l’action de la Lumiere, ne ſe fera pas en vn inſtant.
15 Ie ſerois trop long ſi ie vous mettois icy toutes les autres difficultez que ie voy en l’hypotheſe de voſtre matiere ſubtile, & de ſes mouuemens en toute la nature : c’eſt pourquoy ie veux finir par voſtre autre hypotheſe des pores en l’air, en l’eau, & dans les 20 autres corps tranſparens.
7. Page 122 de la Dioptrique, vous dites que les pores de chacun des corps tranſparens ſont ſi vnis & ſi droits, que la matiere ſubtile, qui peut y entrer, coule facilement tout du long ſans rien trouuer qui l’arreſte ; 25 mais que ceux de deux corps tranſparens de diuerſe nature, comme ceux de l’air, & ceux du verre ou du criſtal, ne ſe raportant ia|mais ſi juſtement les vns aux autres, qu’il n’y ait touſiours pluſieurs des parties de la matiere ſubtile, qui, par exemple, venant de l’air vers le verre, s’y 30 reflechiſſent, à cauſe qu’elles rencontrent les parties ſolides de ſa ſuperficie, &c. Sur quoy ie vous diray que ſi l’air &
