Que les bestes ne font ne les chevaulx ;
Les cahuans, les aigles, les corbaulx
Tiennent entr’eulx leur nature ordonnée,
Mais ce ne fait pas creature née
Qui raison a et ne fait que folie,
Sanz bien user de sa grace donnée :
Pour ce est homs foulz appelez qui folie.
Lievres couars, venans de sa pasture,
Son giste quiert es montaignes, es vaulx,
Les yeulx ouvers se dort soubz la verdure,
Et, en dormant, congnoist assez ses maulx ;
S’il sent les chiens, lors s’en fuit sur les haulx,
Dont sa vie est par son aguet[1] sauvée ;
Mais homs qui voit s’aveugle et se desrée[2]
Quant a touz maulx par son vouloir se lie :
Et puis qu’ainsi a la veue troublée,
Pour ce est homs foulz appelez qui folie.
Homs a deux oeulx, mais sa clarté s’obscure[3]
Quant il ne voit les cas especiaulx,
La deshoneur, le pechié et l’ordure
Qui lui viennent par ses meurs bestiaulx ;
Leur bien quierent brebis, chievres et veaulx
....................
...................[4]
Et homs se nuit par sa merancolie,
Et quant pour lui est sa vie blasmée :
Pour ce est homs foulz appelez qui folie.
Princes, li homs souvent se desnature
