Nous evesque attendeu qu’en procedant à la visite de lad. chapelle et des ornemens d’icelle nous nous sommes apperceus que led. Mess[i]re Gaspard de Villeneufve prieur n’avoit point satisfaict aux reparations et ornements ordonnés par nostre sentence de visite faicte en l’année mil six cens septante trois et le vingtiesme du mois de juin qui concistoient premie[remen]t à faire blanchir lad. chapelle de Nostre-Dame de Verdelay, faire un ciel au dessus du retable de l’autel qu’on celebre la Ste Messe affin qu’aucune immondice n’y tombe dessus faire fere une piscine à costé dud. autel, fere metre un barreau de fer à la fenestre qui donne dessus et une vitre affin que le vent n’incommodast le prestre quand il celebroit et pour esviter à autres inconvenients, fairoit paver lad. chapelle de brique, oster les poutres quy sont dedans et les pierres innutiles comme estant chose indecente, et encore que conform[emen]t aux sentences de nostre predecesseur et celle de son vicaire g[e]n[e]ral de l’année mil
