six cens soixante sept et le vingt troisie[sme] aoust led. Sr prieur fairoit faire un calice tout d’argent avec la pataine de mesme dont lad. pataine seroit dorée aussi bien que le dedans de la coupe dud. calice, feroit fere deux corporaux, quatre essuye mains achepteroit un carton du lavabo, feroit faire un chancelier de bois pour le flambeau qui sert lors de l’elevation de la saincte hostie, un petit tableau ou image painct dans la sacristie pour servir au prestre quand il faict la prepar[ati]on pour celebrer la saincte messe, et de plus un prie dieu pour servir aud. prestre quand il faict sa preparation et son action de grace, qu’il fairoit loger un vaze dans la muraille de lad. sacristie pour y reposer de l’eau affin que le prestre avant et appres la celebr[ati]on de la messe peut se laver les mains, qu’il pourvoiroit d’un tapis pour couvrir l’autel, qu’il fairoit metre au clocher de lad. chapelle une cloche convenable pour que le peuple peust estre adverti du temps qu’on celebroit la sainte messe dans lad. chapelle, avons ordonné que led. messire de Villeneufve faira fere toutes les susd. reparations et
