Ne laisserai, ço dist, que n’i parolt :
« Ultre, culverz ! Carles n’est mie fols,
" Ne traïsun unkes amer ne volt.
« Il fist que pruz qu’il nus laissat as porz ;
« Hoi n’en perdrat France dulce sun los.
« Ferez i, Franc. Nostre est li premiers colps.
« Nus avum dreit, mais cist glutun unt tort. »Aoi.
C
Uns dux i est, si ad num Falsarun ;
Icil ert frère à l’rei Marsiliun :
Il tint la tere Dathan e Abirun ;
Suz ciel nen ad plus encriesme felun.
Entre les oilz mult ont large le frunt,
Grant demi pied mesurer i pout hum.
Asez ad doel quant vit mort sun nevuld :
Ist de la presse, si se met en bandun
E si escriet l’enseigne paienur.
Envers Franceis est mult cuntrarius :
« Encoi perdrat France dulce s’honur. »
Ot l’ Oliviers, si ’n ad mult grant irur :
Le cheval brochet des ories esper uns,
Vait le férir en guise de barun,
L’escut li fraint e l’osberc li derumpt,
El’ cors li met les pans de l’ gunfanun,
Pleine sa hanste l’abat mort des arguns.
Guardet à tere, veit gesir le glutun,
Si li ad.dit par mult fière raisun :
« De voz manaces, culverz, jo nen ai suign.
1225. Ories esperuns. « L’éperon, aux XIe - XIIe siècles, était d’or ou doré. Sa forme générale n’a pas changé, C’est une talonnière, à deux branches recourbées, attachée au pied par une bride et un sous - pied, et portant une tige pointue destinée à aiguillonner le cheval. L’extrémité seule de la tige a varié dans sa disposition. Jusqu’aux premières années du XIIIe siècle, les sceaux représentent l’éperon armé d’un petit fer de lance qui est de forme conique ou losangée. " (Demay, le Costume de guerre, p. 146.)
1229. Arçuns. " Les arçons ; ce sont les parties les plus relevées en avant
