3350 Brochent ad ait ; dunc laissent curre Franc.
Si vunt férir de lur espiez trenchanz. Aoi.
CCLXXI
Li quens Rabels est chevaliers hardiz
Le cheval brochet des esperuns d’or fin,
Si vait férir Torleu le rei persis :
3355 N’escuz ne brunie ne pout sun colp tenir,
L’espiet ad or li ad enz el’ cors mis,
Que mort l’abat sur un boissun petit.
Dient Franceis : « Damnes Deus nus aït !
« Carles ad dreit ; ne li devum faillir. »Aoi.
CCLXXII
3360 E Guinemans justet à l’ rei de Leutice,
Tute li freint la targe k’ est flurie ;
Après li ad la brunie descunfite,
Tute l’enseigne li ad enz el’ cors mise,
Que mort l’abat, ki qu’en plurt o ki ’n riet.
3365 A icest colp cil de France s’escrient :
« Ferez, baruns, si ne vus targiez mie !
« Carles ad dreit vers la gent paienie :
" Deus nus ad mis à F plus verai juïse. »Aoi.
CCLXXIII
Malprimes siet sur un cheval tut blanc,
3370 Cunduit sun cors en la presse des Francs,
D’ures en altres granz colps i vait ferant,
L’un mort sur l’altre suvent vait tresturnant.
Tut premereins s’escriet Baliganz :
« Li mien barun, nurrit vus ai lung tens.
