est le vray aucteur[1], et qui pendant nos divisions s’accroist à nostre ruine, j’ay estimé que nous ne pouvions justement fermer l’oreille à telles et aultres grandes occasions qui se presentent maintenant, desquelles Dieu se peut servir pour mectre fin à nos miseres, comme il peut aussy susciter beaucoup de grands et saincts personnaiges qui restent encore amateurs du bien et tranquillité publique, pour maintenir et garder ce qui nous sera promis. Joinct que le Roy mon seigneur, usant de sa bonté, benignité et prudence, nous ouvre le chemin et nous tend comme les bras pour parvenir à ce bien. Mais d’aultant que j’ay tousjours eu desir de me tenir entierement uni et conjoinct avecques vous, aussy n’ay-je rien voulu traicter et accorder, sans vous en communiquer ; mais bien ay-je receu sauf-conduicts et passeports du Roy pour ceulx qui seroient depputez, lesquels je n’ay voulu faillir vous envoyer par le sr d’Iolet, present porteur, lequel j’ay chargé vous remonstrer et faire entendre plusieurs aultres particularitez dont je vous prie le croire, et si vous trouvez bon d’entendre à quelque paix, deputer le plus promptement qu’il vous sera possible ceulx que vous adviserez, pour se rendre soubs la seureté desdicts sauf-conduicts en la ville de Tours près mondict Sieur au plus tost que faire se pourra, et que lesdicts depputez viennent garnis de memoires et de pouvoirs si amples qu’ils n’ayent occasion de retourner vers vous comme ils firent à la derniere paix, et par ce, moyen retarder le bien d’icelle......
Orig. – Arch. de M. le comte H. C. de Melon, à Rauzan. Communiqué par M. le secrétaire général du département de la Gironde.
À MONSR DE MELON,
Monsr de Melon, J’ay entendu qu’il y a quelques uns de vostre garnison et aultres soldatz voisins qui font des courses sur la terre
- ↑ Le roi d’Espagne.
