Page:Jubinal - Nouveau recueil de contes, dits, fabliaux et autres pièces inédites des XIIIe, XIVe, et XVe siècles, volume 2, 1842.djvu/19

Se li bollon n’alout à droit,
A la char qui cuit mescharroit,
Quer tost fors del pot s’en saudroit
Dès que li bollon l’asaudroit ;

Si l’aveient perdue enfin,
Quer le chat entrereit à fin,
Ou la sori ou le poucin
Enportereit tot le bocin.

A traire la deu pot s’esmaient ;
Et quant ce est qu’il s’i essaient,
Ce ne puet estre que il l’aient
Se tôle l’eue anceis ne traient.

El quant l’eue en est purée,
Chescun aguète, chescun bée,
Chescun fet oreison privée
Que Dex dont qu’ele seit trouvée.

Et quant il trovent cel merel,
Lors sachiez que mout lor est bel ;
Gragnor joie en a eu Hamel
Que outre mer deu feu novel.

Donc est aporté li coteaus,
Si est détrenchié par morseaus
Petit, mès de tel granz seuiaus
Com cels dont l’en giue as mériaus.

S’il avient que non per i ait,
Iloc n’a mie grant déhait,