« Après ce Cruautez respont,
Qui son parler point ne repont,[1]
Einsois se débat et raisonne
820 Si que tous les autres estonne,
Et dit qu’onques ne fu veue
Tel merveille n’aperceue[2]
Com dou chetif maleureus
824 Qui par son cuidier est si preus
Qu’il cuide la joie emporter
Que nuls ne porroit raporter ;
Il a ou corps la rage esprise
828 Que tous les gardiens si po prise[3]
Qu’il cuide que, par son parler,[4]
On li laisse la joie aler ;[5]
Et jure que, se li gardien[6]
832 A ce tuit s’assentoient bien[7]
Qu’il eust le don et l’ottroy
De la grant joie, ja par soy
Ne li iert li dons ottroiez,[8]
836 Mieus ameroit estre noiez.[9]
Après ce Durtez durement
Respont et moult crueusement
Le honteus amant despita,
840 Car en li dueil et despit a
De la joie qu’il a rouvée,[10]
Et dit que, s’elle avoit trouvée
Tel mille joies a denier,[11]
844 Que, se ja Dieus li puist aidier[12]
Ne s’il ne puist estre enroez,[13]
N’iert il ja saisis ne doez[14]
