LETTRES INÉDITES et heureuse issue de la charge que vous avez, que continuellement le requiert celle qui sera à jamais, de Vanves, ce XXVII° jour de juing, Vostre bonne tante et vraye amye, MarguERITE. P. S. Je vous prie faire les très humbles recommandacions du malade et de
moy de Monsieur.
à la bonne grace [F. Béth., n° 8507, fol. 85. Dictée. P. S. auto.) 159. — AU CHANCELIER D’ALENÇON. (Vanves, 27 juin 1537.) M. le chancelier, ce porteur s’en va pardelà, lequel vous dira des nouvelles du roy de Navarre et de moy, et comme nous avons changé l’air pour venir de Sainct Cloud en ce lieu de Vanves, où j’espère que ledict roy
de Navarre recouvrera son entière guérison. Cedict porteur vous parlera d’ung affaire qui concerne grandement le profit et utilité du Roy, et le bien qu’il luy plaist faire audict roy de Navarre et à M. le grand maistre ; sur quoy je vous prie le vouloir ouir et croire. Je suis seure que vous estes si bon serviteur du Roy et tant amy de ces deux personnaiges (qui sont les vostres bien affectionnez), que ceulx qui veulent donner empeschement à l’exécution dudict affaire, ne seront point ouïs ne soubstenus de vous, de quoy je vous prie de très bon cueur, remettant le surplus sur la parole et suffisance dudict porteur, je supplie Nostre Seigneur, M. le chancelier, qu’il vous ait en sa
