Cette page a été validée par deux contributeurs.
283
DES INNOCENTS.
Ny à maiſon petite ou grande ;
Trenchez tout ainsi qu’vne miche
A grans morceaux, ie le commande.
Il ne fault point que lon demande
Dont me vient ceste cruauté ;
Car vn Roy doit payer l’amende,
Qui pour rien perd ſa Royauté.
LE CAPITAINE.
De t’obeïr i’ay telle enuie,
Conſeruant ton autorité,
Que de tout masle auray la vie,
Pour te donner proſperité.
Mon cœur eſt ſy tres irrité,
Contre celuy qui eſt venu,
Qu’il mourra, c’est la verité,
Quand de mes mains ſera tenu.
Nous ferons tant de pas & tours
Moy & mes gents, en diligence,
Que Bethleem & ſes entours
Auront des masles indigence.
Bailleur ne ſeray d’indulgence ;
Car de deux ans tirans en bas,
A nul n’auray intelligence,
Mais tueray tout, pour mes esbats.
HERODES.
Or allez donc ; & force gents
Aſſemb
