Quant Deu pur eus prière rendre ;
Ço disons pur cels chastier
Qui s’en isent hors del’ mustier,
Quant hom dit des mors le servise,
Ester devréïent en l’iglise,
E prier mult dévotement,
Que Deus alégast lur torment.
Tels i ad qui délivres sunt
Ço sunt cil qui plus tost s’en vunt,
E s’il estéïent remembré,
De ço dunt nus avon parlé,
E il en éussent poour,
De la peine è de la dolour,
Que cil chaitif sanz fin auront,
E des joïes où cil irront,
Que servirent leur créatur,
En dreite fei è par amur.
Cist Chevaler dont ai parlé
Puis k’il aveit le pont passé,
Tut délivres ala avant.
Devant lui vit un mur si grant
Haut de la terre, en l’eir à-munt ;
Les merveilles que del’ mur sunt
Ne porreit nuls cunter ne dire,
Ne l’ovraigne, ne la matire.
Une porte ad el mur véue
Page:Marie de France - Poésies, éd. Roquefort, II, 1820.djvu/480
Le texte de cette page a été corrigé et est conforme au fac-similé.
468
POÉSIES
