Le texte de cette page a été corrigé et est conforme au fac-similé.
469
DE MARIE DE FRANCE.
Bien l’a de loinz aparcéue,
De précius métals fu faite
E gloriosement portraite ;
Porsise estoit de bones pères
Mult précioses è mult chères.
Li Chevaliers s’esmerveilla,
De la porte k’il esguarda
Pur la clarté k’ele rendeit,
Qui des chères pierres eisseit,
Mult se hasta de là venir :
Contre lui vit la porte ovrir
Demie-liue ert loinz è plus ;
Quant vers la porte aprimà sus
Si senti une tel odur
Tant douz è si bone flérur,
Sur tutes les riens de cest munt
Qui onques furent ne qui sunt ;
Fuissent aromatizement
N’atendreit-il à ço nient
A la douçur ke il senti,
Que tut le cors lui repleni.
Tut en recovra sa vertu
Del’ torment qu’il aveit éu ;
Avis li fud par cel odur
Que tute perdit sa dolur.
Quant la porte vint aprismant
