Le texte de cette page a été corrigé et est conforme au fac-similé.
43
TRAGEDIE
Scène II.
HERMIONNE, ORESTE, CLEONNE.
ORESTE.
e bien ? Mes ſoins vous ont rendu voſtre Conqueſte.
I’ay veû Pyrrhus, Madame, & voſtre hymen s’apreſte.
HERMIONNE.
On le dit. Et de plus, on vient de m’aſſurer
Que vous ne me cherchiez que pour m’y préparer.
ORESTE.
Et voſtre ame à ſes vœux ne ſera pas rebelle ?
HERMIONNE.
Qui l’euſt crû, que Pyrrhus ne fuſt pas infidelle ?
Que ſa flamme attendroit ſi tard pour éclater,
Qu’il reuiendroit à moy, quand ie l’allois quitter ?
Ie veux croire auec vous, qu’il redoute la Grece,
Qu’il ſuit ſon intereſt plûtoſt que ſa tendreſſe,
Que mes yeux ſur voſtre ame eſtoiẽt plus abſolus.
ORESTE.
Non, Madame, il vous aime, & ie n’en doute plus.
