Cette page n’a pas encore été corrigée
Grandia tolluntur cristallina, maxima rursus
Murrhina, deinde adamas notissimus, et Berenices 19
In digito factus pretiosior : hunc dedit olim
Barbarus incestae, dedit hunc Agrippa sorori,
Observant ubi festa mero pede sabbata rages,
Et vetus indulget senibus clementia porcis.
Nullane de tantis gregibus tibi digna videtur ?
Sit formosa, decens, dives, fecunda ; vetustos
Porticibus disponat avos ; sit castior omni
Crinibus effusis bellum dirimente Sabina,
Rara avis in terris, nigroque simillima cycno,
Quis ferat uxorem cui constant omnia ? Malo,
Malo Venusinani, quam te, Cornelia mater
Gracchorum, si cum magnis virtutibus affers
Grande supercilium, et numeras in dote triumphos.
Tolle tuum, precor, Annibalem, victumque Syphacem
