Page:Raoul - Trois satiriques latins, vol 1 Juvénal, 1842.djvu/150

Illa jubet sumpto juvenem properare cucullo.
Si nihil est, servis incurritur. Abstuleris spem
Servorum, veniet conductus aquarius hic si
Quaeritur et desunt homines : mora nulla per ipsam,
Quo minus imposito clunem submittat asello. ²⁹
 
Atque utinam ritus veteres, et publics saltem
His intacta malis agerentur sacra ! Sed omnes
Noverunt Mauri atque Indi, quae psaltria penem ³⁰
Majorem quam sunt duo Caesaris Anticatones ³¹
Illuc, testiculi sibi conscius unde fugit mus,
Intulerit, ubi velari pictura jubetur,
Quaecumque alterius sexus imitata figuram est.
Et quis tunc hominum contemptor numinis ? aut quis
Simpuvium ridere Numae, nigrumque catinum,
Et vaticano fragiles de monte patellas
Ausus erat ? Sed nunc ad quas non Clodius aras ?
Audio quid veteres olim moneatis amici :
Pone seram : cohibe. Sed quis custodiet ipsos
Custodes ? Cauta est, et ab illis incipit uxor.
 
Jamque eadern summis pariter minimisque libido :
Nec melior silicem pedibus quae conterit atrum,
Quam quae longorum vehitur cervice Syrorum.
Ut spectet ludos, conducit Ogulnia vestem ;
Conducit comites, sellam, cervical, arnicas,
Nutricem, et flavam, cui det mandata, puellam.
Haec tamen argenti superest quodcumque paterni