Page:Raoul - Trois satiriques latins, vol 1 Juvénal, 1842.djvu/164

Post minor est : credas aliam. Cedo, si breve parvi
Sortita est lateris spatium, breviorque videtur
Virgine Pygmaea, nullis adjuta cothurnis,
Et levis erecta consurgit ad oscula planta.
Nulla viri cura interea, nec mentio fiet
Damnorum : vivit tanquam vicina mariti.
Hoc solo propior, quod amicos conjugis odit,
Et servos : gravis est rationibus.
 

Ecce furentis
Bellonae, matrisque deum chorus intrat, et ingens
Semivir, obsceno facies reverenda minori,
Molla qui rupta secuit genitalia testa
Jampridem, cui rauca cohors, cui tympana cedunt
Plebeia, et phrygia vestitur bucca tiara ;
Grande sonat, metuique jubet Septembris et Austri
Adventum, nisi se centum lustraverit ovis,
Et xerampelinas veteres donaverit ipsi, ⁴⁰
Ut quidquid subiti et magni discriminis instat,
In tunicas est, et totum semel expiet annum.
Hybernum fracta glacie descendet in amnem ;
Ter matutino Tiberi mergetur, et ipsis
Vorticibus timidum caput abluet : inde Superbi
Totum Regis agrum nuda ac tremebunda cruentis
Erepet genibus. Si candida jusserit Io,
Ibit ad Aegypti finem, calidaque petitas