Page:Raoul - Trois satiriques latins, vol 1 Juvénal, 1842.djvu/168

Tractato, Armenius vel Commagenus aruspex.
Pectora pullorum rimabitur, exta catelli,
Interdum et pueri : faciet qod deferat ipse.

Chaldaeis sed major erit fiducia : quidquid
Dixerit astrologus, credent a fonte relatum
Ammonis, quoniam Delphis oracala cessant,
Et genus humanum damnat caligo futuri.
Praecipuus tamen est horum, qui saepius exul,
Cujus amicitia conducendaque tabella,
Magnus civis obiit, et formidatus Othoni.
Inde fides arti, sonult si dextera ferro,
Laevaque, si longo castrorum in carcere mansit.
Nemo mathematicus genium indemnatus habebit :
Sed qui pene periit, cui vix in Cyclada mitti
Contigit, et parva tandem caruisse Seripho.
Consulit ictericae lento de funere matris,
Ante tamen de te, Tanaquil tua : quando sororem
Efferat et patruos ? an sit victurus adulter
Poet ipsam ? quid euh majus dare numina possunt ?
 

Haec tamen ignorat quid sidus triste minetur
Saturni, quo laeta Venus se proferat astro,
Quis mensis damno, quae dentur tempora lucro.