Page:Recueil général des sotties, éd. Picot, tome I.djvu/257

L’Astrologue.

C’est chanté gracieusement.
Cela oste melencolie,
Mais chascun a l’entendement
Sy trouble pour le temps present
Qu’il n’a plaisir en chanterie.245

Chascun.

Avoir plaisir, bon gré ma vie !
Qui seroit de plaisir feru,
Avoyt la grande pilerie^[1]
Qui le temps passé a couru ?
Et, se Dieu ne m’eust secouru, 250
Je ne crois pas qu’en desplaisance
En ce danger fusse encouru
De tout metre en dessesperance.

Le Prince.

Or revenon a la substance
Des elemens.

L’Astrologue.

Des elemens. Les elemens255
Ne sont qu’en tresbonne ordonnance ; ^[2]
Le dangier gist aux mouvemens.

Primus.

Elevon nos entendemens
Sus ce poaint.

Secundus.

Sus ce poaint. Je l’ay ja comprins,
Car jamais Mars n’eust entreprins, 260
Quoy que fust homme furieulx,
Vallereux et luxurieulx,

1. I. Sur cette pillerie qui ne cesse de courir, voy. le n^o V, v. 181, et le n^o VI, v. 14. Cf. aussi le v. 478 ci-après.
2. tres m.