Page:Recueil général des sotties, éd. Picot, tome I.djvu/269

Je ne t’en quiers plus souvenir, ^[1]
Car tu en as grande abundance.485

Chascun.

Vela doncques ma restaurance : ^[2]
Raison et foy.

Primus.

Raison et foy. Il peult sufire,
Quar il sont de grande sustance,
Se Chascun les savoit conduire.

Secundus.

Si Chascun, pour verité dire, 490
Raison de soy consideroet,
L’ung a l’autre ne vouldroet nuire,
Mais toult en union seroit.

Primus.

Quant Chascun sa foy garderoet,
Raison auxi pareillement, 495
Certes pas on ne trouveroiet
Tant de procez en parlement.

Le Prince.

Que reste plus ?

Primus.

Que reste plus ? Finablement,
Après la restauracion,
Chanter et faire seulement500
Vostre pronosticacion.

L’Astrologue.

Sus qui ? ^[3]

1. ia plus
2. donc
3. Le copiste a peut-être passé une répétition, ce qui rend le vers incomplet. On pourrait lire :
   
   L’Astrologue.
   Sus qui ?
   
   Primus.
   Sus qui ? Sus qui ?
   
   Secundus.
   Sus qui ? Sus qui ? Sus qui ? Sur tout.