Cette page a été validée par deux contributeurs.
Secundus.
Sur toult ;
Mès nous n’en vendrions point a bout.
L’Astrologue.
Du premier sault.
Le Prince.
Pronostiquez en vous assault.
Primus.
Il n’y a que ung mot de bon goust.
Le Prince.
Quel ?
Primus.
En effet, toult ne vault rien.
L’Astrologue.
Parler fault d’ung austre mouyen
Par raisons condicionnellez
Le Prince.
Parlés, vous, astrologien,
Qui vous cognoissez aux estellez.
L’Astrologue.
Je diz que, ce choses mortellez
Sont tousjours en ce point contrerez,
Nous trouverons pareillz a ellez
Les mouvemens orbiculerez.
Primus.
Je diz que, ce les adulterez
De Paris ne sont convaincuz,
Tant avocaz que commisserez,
De procureux et de notairez,
Il sera beaucoup de coquus.
