sens pastour
Robin, ke fiencié l’ai.
joie en ai,
si en chanterai
ceste chansonnete :
en non Deu, j’ai bel ami,
cointe et joli,
tant soie je brunete.’
Kant voi nee la flour en mi la pree,
plus m’agree ke noif ne ke gelee.
a ce donz tens chevauchoie par une ajornee :
trestont droit en mi ma voie pastoure ai trovee.
je la salue a bries mos,
elle me respont tantost
au miels ke sout, plus bel ke pout :
’ sire, ke vos gree ?
por tant s’en mi ceste voie m’aves ci trovee,
ne cuit pas ke par vos soie gaires loing menee.’
lors s’est escriee
’ sus see, valee !
Robins Perrins Thieris Aubris,
aves moy obliee ?’
quant la vi effreee,
si l’ai resconfortee.
’ Belle nee, ne soies effreee,
en amee vos ai et desiree,
et sachiez ou ke je soie, toute ma pensee
est en vos, toute autre joie en ai entreobliee.
..........
..........
..........
..........
et s’en vos merci ne truis, douce dame honoree,
por vos morra vostre amis sanz nule demoree.’
quant l’oi tant mokee,
chiflee, bobee,
