Le texte de cette page a été corrigé et est conforme au fac-similé.
153
LA VIE SAINTE ÉLYSABEL.
Que toz i fu ses cuers entiers
Et s’atendue et ses mestiers.
Ysabiaus fu mult gentiz fame[1].
De grant lingnage et preude fame[2],
De rois, d’empereors, de contes,
Si com nous raconte li contes.
La renommée de s’estoire
Ala à la pape Grigoire.
Viij. apostoiles ot à Rome
Devant cestui, ce est la somme,
Qui furent nommé par cest non.
Preudom fu et de grant renon,
Et droiz pères en vérité
Et au pueple et à la cité.
Chascuns de la dame parla
Et des miracles que par là
Fesoit, de contrez redrecier,
De sours oïr, fols radrecier,
De malades doner santé,
D’autres vertuz[3] à grant plenté.
Quant nostre pères l’apostoles
Ot entendues les paroles
Et la sainte vie à celi
Que Dieu et au siècle abeli[4],
Par seremenz le fist enquerre
