A ses paroles entent bien
Que soupris l’a li anemis :
« Certes, fait-il, biaus doz amis.
Se vous fussiez uns triboullierres,
Uns useriers, uns amassierres[1],
Uns flatieres, uns serf à gré,
Encor fussiez el haut degré
Dont li vesques vos a jus mis.
Tuit vo prélat, biaus dous amis,
Tant sai-ge bien de lor afaire,
De bones genz n’ont mès que faire.
Lor bénéfices toz emportent
Cil qui les granz borses[2] aportent ;
Nus n’en a rien s’il ne l’achate,
S’il ne losange, s’il ne flate ;
De jor en jour vo lois empire ;
Tous vo prélat, bien le puis dire[3],
Honnour ne portent nul preudome.
Fait vos a-l’en, ce est la some,
Biaus doux amis, grant deshonour ;
Mès plus arez encore d’honour
Qu’ainz n’éustes en nul tempoire
Se mon conseil en volez croire. »
— « Bien vos crerai, fait-il, biau sire ;
Ne roverés faire ne dire
Que je molt volentiers ne face,
Mès aidiez-moi, par vostre grace. »
Li Juis, qui fu plains de fiel,
Qui[4] ot mucié desoz le miel
Au las, le venin si repont,
Simplement li dit et despont :
« Biau doux amis, come senez
Demain au soir chi revenez :
De vostre afaire penserai[5]
Page:Rutebeuf - Oeuvres complètes, recueillies par Jubinal, tome II, 1839.djvu/285
Le texte de cette page a été corrigé et est conforme au fac-similé.
278
NOTES