Qu’il ert douz et humbles de cuer.
De cuer ne fu mie parastres[1]:
Bien enseingna li piteus pastres
Qu’il estovoit par estovoir
Humilité du cuer movoir ;
Car tiex fait l’umble par defors
Qui l’orgueil a mucié el cors.
Tieux fet samblant d’umilité
Qui est tout plain d’iniquité ;
Tieux fet samblant c’umbles est touz[2]
Qui moult est fierz, fel et estoz ;
Tieux a la face pâle et maigre
Qui le cuer a felon et aigre ;
Tieux a vestue t’aspre hère
Qui aspres est et deputaire[3] ;
Tieux a vestue bele robe
Qui le cuer n’a mie si gobe
Ne si soupris de vaine gloire
Com tieux afuble chape noire ;
Tieux fet samblant de torterele
Qui par dedens est cresserele ;
Tieux fet le simple et le marmite
En cui orgueil maint et habite ;
Tieux a mult humble et doz le vis
Qui el cuer est déable vis[4] ;
Tieux a l’abit moult régulier
Qui le cuer a moult séculier.
Orgueil assez souvant ce muce
En papelart à grant aumuce ;
Orgueil assez souvant se cole[5]
Desouz voile et desouz cole ;
Orgueil assez sovant repère[6]
Et desoz sac et desouz hère ;
Orgueil partout se muce et glace,
S’umilité fors ne l’en chace.
El monde n’a si vil habit
Page:Rutebeuf - Oeuvres complètes, recueillies par Jubinal, tome II, 1839.djvu/328
Le texte de cette page a été corrigé et est conforme au fac-similé.
321
ET ÉCLAIRCISSEMENTS.